काठमाडौ, २४ असार । पछिल्लो समय नक्कली प्रमाणपत्रधारी डाक्टरहरु माथि कारबाही चलाएको  प्रहरी संगठन भित्रैनै नक्कली अधिकृत भेटिएको छ । नेपाल प्रहरीको अस्पतालमा  कार्यरत डा.महेशमान प्रधानको शैक्षिक प्रमाणपत्र नक्कली रहेको खुलासा भएको छ ।

आईएस्सी र बिएस्सीको शैक्षिक प्रमाणपत्रमा जन्म मिति सच्याएर  पेश गरेको फेलापरेको अख्तियार दुरुपयोग अनुसन्धान आयोगले जनाएको छ ।  बि.स  २०५९ जेठ २० गते  प्रहरीमा  भर्ना भएका उनले भर्ना हुन् आफ्नो उमेर सच्याएका फेला परेको भन्दै अख्तियार दुरुपयोग अनुसन्धान आयोगले शुक्रबार  प्रधान बिरुद्ध मुद्दा दायर गरेको छ ।